Li gor lêkolîna kovarê ku di hejmara wê ya 335an de hat weşandin, kurdî li gel hemû qedexekirinan jî, di nav bi hezaran zimanan de di rêza 31an de cî digire.

Krîterên kovarê yên ”zimanê bi bandor û dewlemend” jî, dema mirov zext û zorên li ser zimanê kurdî li ber çav bigire, gelek krîterên giran in. Krîterên bingehîn ên kovarê ev in: Hejmara mirovên ku wî zimanî bikar tînin, Rêzdariya wî ya li înternetê, Hejmara welatên ku lê zimanê fermî ye, Hejmara wergerên ku hatine kirin, Fîlm, muzîk û pirtûkên ku bi vî zimanî hatine çêkirin û weşandin û Pirtûkên rêzimanî û xebatên li ser ziman.

Li Amedê navçeya Bismilê, navekî kurdî dane camiyê û ji ber di nav wî navî de tîpa ”X” heye, Dozgeriya Komarê ya Amedê lêpirsîn da destpêkirin.

Li gor agahiyên ku hatine girtin, li gundê Dîktepeyê ku li ser navçeya Bismilê ye, bi berhevkirina alîkariyan camiyek hat çêkirin û navê "Xincika" li camiyê hat kirin.

Parlamenter Ozçelîk di axaftina xwe de li ser 14ê Gulanê Cejna Zimanê Kurdî rawestiya, Mîr Celadet Alî Bedirxan mîna prensê kurd binav kir û bi bîr anî ku salvegera weşandina Kovara Hawarê li sirgûnê (1932) mîna Cejna Zimanê Kurdî tê pîrozkirin. Ozçelîk diyar kir ku ev cejin, alîkariya pêşveçûna zimanê kurdî dike. Ozçelîk her wiha balê kişand ser Kovara Hawarê ku bi tîpên latînî hatiye weşandin û wêjevanên mezin ên kurd ên mîna Cegerxwîn, Osman Sebrî û Qedrîcan gihandiye.

14ê Gulanê Cejna Zimanê Kurdî li Amed, Wan û Îzmîrê bi beşdariya girseya gel, bi daxuyaniya çapemeniyê hat pîrozkirin. Di daxuyaniyan de bal hat kişandin ser zext û polîtîkayên asîmîlasyonê yên li ser kurdî. Her wiha hat daxwazkirin ku kurdî bikeve bin parastina Qanûna Bingehîn û bibe zimanê perwerdeyê. Di daxuyaniyê de ji kurdan jî hat daxwazkirin ku di têkiliyên rojane de bi kurdî biaxivin.

BERLÎN - Bi mebesta 14 ê gulanê ku ji aliyê Kongreya Neteweyî ya Kurdistanê ve, di sala 2006 an de wek roja Cejna Zimanê Kurdî hate îlankirin de, konferanseke lêkolînî û zanistî ya ziman hate lidarxistin. Her wisa cejna Zimanê kurdî jî bi şahiyeke taybetî ve hate pîrozkirin. Konferansa Zimanê Kurdî ji aliyê Kongreya Neteweyî ya Kurdistanê (KNK), Enstîtûya Kurdî ya ji bo lêkolîn û zanist ya li Almanya û Tevgera Zimanê û Perwerdehiya Kurdî (TZPKurdî) hate li darxistin.

Parlementera berê ya DEP'ê Leyla Zana ku di semînera, 'Ziman û Siyaset'ê de axivî, diyar kir ku heta kurdî nebe zimanê siyasetê, bi pêş nakeve û mayînde nabe. Zana, xwest ku siyasetmedarên kurd kurdî di jiyana xwe ya rojane de bikin zimanê serdest.

Mizgîniya me li we zarokino!

Birêz Aynur Bozkurt çend çîrokên klasîk ên cîhanê ji bo zarokên Kurd amade kiribûn. Ev çîrok cara pêşîn tevî alîkariyên teknîk ên xebatkarên radyoyê, ji bo Radyoya Dengê Mezopotamya hatin amadekirin û li wê derê gelek caran hatin weşandin. Ji serê salê û vir ve jî, ev çîrok li ser malpera Dibistana Kurdî tên weşandin. Di destpêkê de mafê weşandina wan çîrokan bi tenê ji bo vê malperê hatibû dayîn da ku zêdetir zarok bikaribin wan çîrokan guhdarî bikin û jê sûdê wergirtin. Piştî demeke pir nêzîk, ev çîrok li ser malpereke xweser dê bên weşandin, xebata wê ya li ser vê yekê dewam dike.
Hûn dikarin bi pêlîkirina vê derê bigihîjin malpera Dibistana Kurdî û çîrokan guhdarî bikin an jî bixwînin.
Birêz Aynur Bozkurt dibêje: “Min xwest ku ev çîrok bila bibin diyariya Cejna Newroza 2008'an ji bo zarokên kurd û hezkiriyên kurdî.”
Em jî li ser navê malpera TZPKurdî spasiya xwe pêşkêş dikin.